ភាសាខ្មែរ | English

Our website is under construction, sorry for any inconvenient causes.

សម្តេចតេជោ ហ៊ុន សែន អញ្ជើញជួបពិភាក្សាការងារជាមួយអភិបាលតំបន់ស្វយ័ត ជនជាតិជាំងក្វាងស៊ី ប្រទេសចិន

25 Apr 2018 / 09:20 AM

សម្តេចតេជោ ហ៊ុន សែន អញ្ជើញជួបពិភាក្សាការងារជាមួយអភិបាលតំបន់ស្វយ័ត ជនជាតិជាំងក្វាងស៊ី ប្រទេសចិន

នៅព្រឹកថ្ងៃអង្គារ៌ ១០កើត ខែពិសាខ ឆ្នាំច ព.ស២៥៦១ត្រូវនឹងថ្ងៃទី២៤ ខែមេសា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបពិភាក្សាការងារជាមួយលោក Chen Wu អភិបាលតំបន់ស្វយ័ត ជនជាតិជាំងក្វាងស៊ី ប្រទេសចិន ដែលជំនួបនេះធ្វើឡើងនៅវិមានសន្តិភាព រាជធានីភ្នំពេញ។

ក្នុងជំនួបនោះ លោក Chen Wu បានកោតសរសើរយ៉ាងខ្លាំចំពោះការអភិវឌ្ឍ រីកចម្រើនរបស់ប្រទេសកម្ពុជា។ ក្នុងដំណើរទស្សនកិច្ចរយៈពេល២ថ្ងៃនៅក្នុងប្រទេសកម្ពុជានាពេលនេះ លោកសង្កេតឃើញថាសេដ្ឋកិច្ចកម្ពុជាមានការរីកចម្រើនលូតលាស់យ៉ាងឆាប់រហ័ស ហើយលោកក៏បានថ្លែងអំណរគុណចំពោះសម្តេចតេជោនាយករដ្ឋមន្ត្រីដែលកន្លងមកតែងតែផ្ដល់នូវកិច្ចសហប្រតិបត្តិការល្អក្នុងការរៀបចំពិពរណ័អាស៊ាន-ចិន នៅទីក្រុងណាននិង ហើយលោកបានជម្រាបជូនសម្តេចតេជោថា ដំណើរមកកាន់ប្រទេសកម្ពុជានៅពេលនេះគឺ ទី១ដើម្បីគោរពអញ្ជើសម្តេចតេជោ អញ្ជើញចូលរួមពិពរណ័អាស៊ាន-ចិន នៅទីក្រុងណាននិង លើកទី១៥ នាពេលខាងមុខនេះ ក្នុងនាមជាប្រទេសកិត្តិយស។ ជាមួយគ្នានោះលោកក៏បានធ្វើការជាមួយរដ្ឋមន្ត្រីក្រសួងពាណិជ្ជកម្មកម្ពុជាផងដែរដើម្បីធ្វើយ៉ាងណារៀបចំពិពរណ័នេះអោយមានភាពល្អ និងទាក់ទាញ និង ទី២ក្នុងគោបំណងជម្រាបជូនសម្តេចតេជោ អំពីកិច្ចសហប្រតិបត្តិការទ្វេភាគីរវាងខេត្តក្វាងស៊ី និងកម្ពុជា ដែលកន្លងមកបានអនុលោមតាមសេចក្តីសម្រេច និងការព្រមព្រៀងគ្នារវាងសម្តេចតេជោ និងលោកប្រធានាធិបតី ស៊ី ជីនពីង ពាក់ព័ន្ធនឹងពិពរណ័ អាស៊ាន-ចិន នេះ គឺខេត្តក្វាងស៊ីបានជំរុញការវិនិយោគចិនអោយមកវិនិយោគនៅកម្ពុជាយើង លើវិស័យផ្សព្វផ្សាយ តាមទូរទស្សន៍ ការផ្សព្វផ្សាយពីរោងចក្រកិនអង្ករ វិស័យទេសចរណ៍ ហើយពេលនេះមានការហោះហើរត្រង់ពីខេត្តក្វាងស៊ី មកកាន់ទីក្រុងភ្នំពេញហើយ។ នៅពេលខាងមុខ នឹងមានការហោះហើរត្រង់ពីខេត្តក្វាងស៊ីទៅខេត្តសៀមរាបផងដែរ។ លោកបានបញ្ជាក់ថាប្រសិនបើត្រឹម ០.២% នៃពលរដ្ឋចិននៅខេត្តក្វាងស៊ី មកទស្សនកិច្ចកម្ពុជាគឺមានន័យថាស្មើនឹងប្រមាណជាង១០ម៉ឺននាក់នៃទេសចរមកកម្ពុជាផងដែរ។ លោកបានបន្តថា នៅថ្ងៃនេះផងដែរ នឹងមានការចុះហត្ថលេខា លើអនុស្សារណៈសហការគ្នាដើម្បី ឃើញកិច្ចអភិវឌ្ឍកំពង់ផែ នៅខេត្តកំពត។ នៅក្នុងដំណើរទស្សនកិច្ចនេះ លោកបាននាំមកនូវ ផលិតផលកសិកម្ម ជាអង្គប្រមាណ ១៦០ តោន ជូនដល់សម្ដេចតេជោផងដែរ។

     

ជាការឆ្លើយតបសម្ដេចតេជោ ហ៊ុន សែន បានសម្ដែង អំណរគុណចំពោះការលើកឡើងទាក់ទងនឹងការអភិវឌ្ឍ ក្នុងប្រទេសកម្ពុជាហើយសម្ដេចក៏បានលើកឡើងផងដែរ ពីទំនាក់ទំនងរវាងប្រទេសយើងទាំងពីរកម្ពុជា ចិន គឺកំពុងឈានដល់កម្រិតខ្ពស់មួយ ហើយក៏មានភាពរឹងមាំផងដែរ។ ជាមួយគ្នានេះ សម្ដេចតេជោ ក៏បានបញ្ជាក់ពីការទៅចូលរួមពិព័រណ៍ពាណិជ្ជកម្មអាស៊ានចិននៅទីក្រុងណានិង របស់ខេត្តក្វាងស៊ី នាពេលខាងមុខ ហើយសម្តេចក៏បានគាំទ្រចំពោះអ្នកវិនិយោគិនចិនមកពីខេត្តក្វាងស៊ីមករកស៊ីនៅកម្ពុជា ។

  

ដោយឡែក ពាក់ព័ន្ធនឹងការចូលរួមអភិវឌ្ឍកំពង់ផែ នៅខេត្តកំពត សម្ដេចតេជោបានលើកឡើងថា កំពង់ផែនេះមានសារៈសំខាន់ណាស់ ហើយអាចជារបៀងមួយទៀត ស្របតាមយុទ្ធសាស្ត្រផ្លូវមួយ ខ្សែក្រវ៉ាត់មួយរបស់ចិន។ សម្តេចតេជោមានប្រសាសន៍ថារបៀងនោះ មានសារសំខាន់ស្របពេលដែល កម្ពុជានឹងមានការពង្រីកផ្លូវជាតិលេខ៣ ឱ្យបានធំទូលាយជាងមុនទៅកាន់ខេត្តកំពត ដែលនឹងកាត់បន្ថយការចំណាយពេលវេលាយូរសម្រាប់ដឹកជញ្ជូនទំនិញពីខេត្តកំពតមកកាន់រាជធានីភ្នំពេញ ខណៈអមសងខាងតំបន់ផ្លូវជាតិលេខ៣នេះ មានរោងចក្រ និងបណ្ដាញវារីអគ្គីសនីសំរាប់ផ្គត់ផ្គង់ប្រើប្រាស់ទៀតផង ដែលនេះជាអំណោយផល នៅក្នុងការធ្វើជាច្រករបៀងសេដ្ឋកិច្ចមួយបន្ថែមទៀត។ ពាក់ព័ន្ធអង្គរកសិកម្ម ដែលជាជំនួយមនុស្សធម៌ ចំនួន១៦០តោន ស្មើ១លានយ័ន ដែលលោក Chen Wu ប្រគល់ជូនសម្ដេចនេះ សម្ដេចតេជោនឹងយកទៅផ្តល់ជូនដល់កាកបាទក្រហមកម្ពុជា ដើម្បីប្រើប្រាស់តាមតម្រូវការជួយដល់ពលរដ្ឋរងគ្រោះ ក្នុងវិស័យមនុស្សធម៌៕


Related News


យុទ្ធនាការទិញផលិតផលខ្មែរនៅខេត្តបន្ទាយមានជ័យ 25 Apr 2018 / 09:20 AM
កម្ពុជាចូលរួមពិព័រណ៍ពាណិជ្ជកម្ម “ SEOUL FOOD 2018 ( International Food Industry Exhibition, Seoul ) 25 Apr 2018 / 09:20 AM
កម្ពុជាចូលរួមពិព័រណ៍ពាណិជ្ជកម្ម “ SEOUL FOOD 2018 ( International Food Industry Exhibition, Seoul ) 25 Apr 2018 / 09:20 AM
កម្ពុជា ចូលរួមកិច្ចប្រជុំនៃវេទិកាពាណិជ្ជកម្មនិងវិនិយោគ និងការតាំងពិព័រណ៍អន្តរជាតិផ្លូវសូត្រ លើកទី៣ នៅទីក្រុងស៊ីអាន ខេត្តសានស៊ី ប្រទេសចិន 25 Apr 2018 / 09:20 AM
កម្ពុជា ចូលរួមកិច្ចប្រជុំនៃវេទិកាពាណិជ្ជកម្មនិងវិនិយោគ និងការតាំងពិព័រណ៍អន្តរជាតិផ្លូវសូត្រ លើកទី៣ នៅទីក្រុងស៊ីអាន ខេត្តសានស៊ី ប្រទេសចិន 25 Apr 2018 / 09:20 AM
សម្តេចតេជោ ហ៊ុន សែន អញ្ជើញជួបពិភាក្សាការងារជាមួយអភិបាលតំបន់ស្វយ័ត ជនជាតិជាំងក្វាងស៊ី ប្រទេសចិន 25 Apr 2018 / 09:20 AM
កម្ពុជាចូលរួមពិព័រណ៍( Bangkok International Gifts Fair and Bangkok International Housewares Fair 2018) 25 Apr 2018 / 09:20 AM
ប្រតិភូខេត្តក្វាងស៊ី គ្រោងវិនិយោគលើការផលិតខ្សែភ្លើង និងរៀបចំប្រព័ន្ធទឹកស្អាតនៅកម្ពុជា 25 Apr 2018 / 09:20 AM
កិច្ចប្រជុំស្តីពីការត្រៀមលក្ខណៈរៀបចំ និងចូលរួមរបស់កម្ពុជា ក្នុងពិព័រណ៍ពាណិជ្ជកម្មចិន-អាស៊ាន លើកទី១៥ ឆ្នាំ២០១៨ (the 15th China-ASEAN EXPO 2018) 25 Apr 2018 / 09:20 AM
ក្រុមការងារក្រសួងពាណិជ្ជកម្ម ដើម្បីត្រៀមរៀបចំកម្ម ទិវាលើកកម្ពស់ការប្រើប្រាស់ផលិតផលខ្មែរ 25 Apr 2018 / 09:20 AM
កម្ពុជា ដឹកនាំក្រុមហ៊ុនខ្មែរជាង១០ក្រុមហ៊ុន មកចូលរួមការតាំងពិព័រណ៍គ្រឿងអលង្ការ និងត្បូងថ្មរមានតម្លៃ លើកទី៦១ នៅប្រទេសថៃ 25 Apr 2018 / 09:20 AM